#################################################### MUKTABODHA INDOLOGICAL RESEARCH INSTITUTE Use of this material (e-texts) is covered by Creative Commons license BY-NC 4.0 Catalog number: M00210 Uniform title: śivadharma nandiprokta Manuscript : IFP/EFEO 72 pages 1 - 24 copied from Adyar Library Madras. ms. no.: 75429 Description: E-text copied from pages 1o-24 of IFP/EFEO transcript 72 which itself was a copy of Adyar Library Madras Ms. 75429 Notes: Data entered by the staff of Muktabodha under the supervision of Mark S.G. Dyczkowski. Revision 0: April 5, 2010 Internet publisher : Muktabodha Indological Research InstituteWeb publisher Muktabodha Publication year : 2010 Publication city : Publication country : United States #################################################### p. 1 śrīḥ * * * * || śivoguruśśivo devaḥ śivova * * * * ṇām | śiva ātmā śi * * * * * * * * * * * || 1-1 || * * * * * * * * * * * * * * * * | vicitraṃ viśvanirmāṇam vicitraṃ śivaceṣṭitam || 1-2 || vicitraṃ śivamāhātmyam vicitra * * * * * | * * * * * * * * * * taṃ pāpanāśanam || 1-3 || svargāpavargayossadyaḥ sādhanantadbravīmyaham | merupṛṣṭhesamā * * * * * * * * * * || 1-4 || * * * * * * śāntaṃ sarvajñaṃ nandikeśvaram | sanatkumāraḥ papraccha śivadharmānyathākramam || 1-5 || śrīnandikeśvaraḥ * * * * * * * * * * | * * * * * * * * sukhopāyammahatphalam || 1-6 || paramaṃ sarvadharmāṇāṃ śivadharmaṃ śivātmakam | śivena kathitaṃ pūrvaṃ pārvatyāṣṣaṇmukhasya ca || 1-7 || gaṇānāndevamukhyānāmasmākañca viśeṣataḥ | saṃsārārṇavamagnānāṃ sarveṣāṃ prāṇināmayam || 1-8 || śivadharmoḍupaḥ śrīmānuttārārthamudāhṛtaḥ | p. 2) yairayaṃ śānta cetaskaiḥ śivabhaktaiśśivārthibhiḥ || 1-9 || saṃsevyate paro dharmaste rudrā nātra saṃśayaḥ | grāme vā yadi vāraṇye jale vāpi sthale'pi vā || 1-10 || yatraiva vidyate liṅgaṃ sarvatīrthāni tatra vai | ekakālaṃ dvikālaṃ vā trikālaṃ nityameva vā || 1-11 || ye smaranti virūpākṣaṃ vijñeyāste gaṇeśvarāḥ | kīrtayiṣyanti ye rudraṃ sakṛdapyāśu te narāḥ || 1-12 || sarvapāpaiḥ pramucyante saptajanmakṛtairapi | jātenātmadruhā yena nārcito bhagavān śivaḥ || 1-13 || suciraṃ sañcaratyasmin saṃsāre duḥkhasāgare | sā * * * * * * * * * * ssāmyamūkatā || 1-14 || yatkṣaṇaṃ vā muhūrtaṃ vā śivamekanna cintayet | durlabhaṃ prāpya mānuṣya * * * * * * * * || 1-15 || teṣāṃ hi saphalaṃ janma kṛtārthāste narottamāḥ | bhavabhaktiparā ye tu bhavapraṇatacetasaḥ || 1-16 || * * * * * * * * * te duḥkhasya bhājanam | bhavanā * * * * * * * * * * * * || 1-17 || * * * * * * * nañcādṛṣṭaparyantaṃ śiva | * * * * * * bhogān rājyaṃ ca tridaśālaye || 1-18 || tercayanti sadākālaṃ harasya caraṇāṃbujam | p. 3) saubhāgyaṃ kānti * * * * * * * * * * * || 1-19 || śauryañca jagatikhyātiḥ śivamarcayato bhavet | nārudrassaṃsmaredrudrannārudro rudramarcayet || 1-20 || nāru * * * * * * * * * * * māpnuyāt | saṃparkātkautukāllobhāt bhayādvāpi ca saṃsmaret || 1-21 || kīrtayedarcayedvāpi sopyapa * * * * * | śivadharmasya sāroyaṃ śive bhaktissuniścalā || 1-22 || sā cāṣṭāṃgī śivenoktā kāryā nityaṃ prayatnataḥ | madbhaktajanavātsalya * pūja * * ñcānumodanam || 1-23 || svayamabhyarcanaṃ bhaktyā mamārthe cāṅgaceṣṭanam | matkathā śravaṇe bhaktisvaranetrāṅgavikriyā || 1-24 || mamānusmaraṇannityaṃ yaścamāñcopajīvati | bhaktiraṣṭavidhāhyeṣā yasmin mlecchepi vartate || 1-25 || sa viprendro jvalaḥ śrīmān sayatissaca paṇḍitaḥ | na me priyaścaturvedī madbhaktaśvapaco'pi ca || 1-26 || tasmai deyantato grāhyaṃ sa ca pūjyo yathāhyaham | patraṃ puṣpaṃ phalantoyaṃ yo me bhaktyā prayacchati || 1-27 || tasyāhaṃ na praṇaśyāmi sa ca me na praṇaśyati | yo mānna sarvagaṃ paśyet sarvannamayi saṃsthitam || 1-28 || p. 4) samāṃ parvatadurgeṣu mārgamāṇo na paśyati | yo māṃ sarvagataṃ paśyet sarvañca mayi saṃsthitam || 1-29 || tasyāhannityamātmasthaḥ sa ca nityammayisthitaḥ | iti || durlabhā ca śive bhaktiḥ durlabhañca śivārcanam || 1-30 || sudurlabhaṃ śive dānaṃ śivahomañca durlabham | sudurlabhaṃ śivajñānaṃ tadabhyāso'pi durlabhaḥ || 1-31 || sudurlabhataraṃ jñeyaṃ japadhyānaṃ śivātmakam | sudurlabhamidaṃ jñātvā śivebhaktiṃ samāśrayet || 1-32 || lābhasteṣāmmanuṣyāṇā * * * * * * * * | ṣāndivā ca rātrau ca nityaṃ śivagatā smṛtiḥ || 1-33 || namaskārādisaṃyuktaṃ śivāyetyakṣaratrayam | jihvāgre * * * * * * * * * * * * || 1-134 || * * * * * * sena śivadharmokhilaḥ kramāt | proktaḥ prāthamikādhyāye śivadharme ya īritaḥ || 1-35 || ya idaṃ paṭhate ni * * * * * * * * * | * * * * * * * * * * loke mahīyate || 1-36 || dhanamāyuryaśo vidyāṃ prabhāvamatulaṃ labhet | kailāse śivasānnidhye * * * * * * * * || 1-37 || * * * * * * * * * * śrīnandikeśvaraḥ | p. 5) tvamatīvaśive bhaktaḥ padmayonisutottama || 1-38 || tena te nikhilaṃ vakṣye śṛṇuṣvaikāgramānasaḥ | pūrvamekārṇave ghore naṣṭe sthāvarajaṃgame || 1-39 || vivādassumahānāsīt brahmaviṣṇvoḥ parasparam | ahaṃ kartā tvahaṃ kartā namattonyo jagatpatiḥ || 1-40 || evamāha hariṃ brahmā brahmāṇañca haristathā | tayordarpāpahārāya prabodhārthañca devayoḥ || 1-41 || madhye samudgataṃ liṅgamaiśvarantejasaḥ param | jvālāmālāmayandivyamaprameyamanūpamam || 1-42 || yojanāyutavistīrṇaṃ sthitaṃ tadvimalembhasi | kṣayavṛddhivinirmuktamādimadhyāntavarjitam || 1-43 || jvālābhirmohitau tasya liṅgasya surasattamau | tadā vismayamāpannau paśyantāvamarādhipau || 1-44 || gatāvūrdhvamadhastasya saṃpradhārya parasparam | adho draṣṭuṃ gato viṣṇuḥ ūrdhvañcaiva pitāmahaḥ || 1-45 || apaśyantāvadhaścordhvantau sametya parasparam | kṛtāñjalipuṭau bhūtvā liṅgantuṣṭuvatustadā || 1-46 || namaste jñānaliṅgāya śivaliṅgāya liṅgine | namaste gūḍhaliṅgāya paraliṅgāya bhāmine || 1-47 || namaste jyotiliṅgāya vedaliṅgāya vedhase | p. 6) namaste sūkṣmaliṅgāya buddhiliṅgāya buddhaye || 1-48 || namaḥ parvataliṅgāya bhāvaliṅgāya te namaḥ | jagatkāraṇaliṅgāya jagatāṃ pataye namaḥ || 1-49 || āvayoḥ pataye caiva patīnāṃ pataye namaḥ | evaṃ stutvā mahādevaṃ praṇamya śirasā ca tau || 1-50 || brahmaviṣṇūsamāpannau bhaktyā paramayā yutau | liṅgamadhye parammadhyaṃ sthitaṃ prādeśasammitam || 1-51 || samādhistotrasaṃpannau dṛṣṭavantau śivātmakam | naitacca kāñcanaṃ raupyaṃ tāmraṃ sphaṭikamauktikam || 1-52 || lakṣyamātrasthitaṃ śāntaṃ kevalantacchivātmakam | tayostuṣṭo mahādevaḥ pradāya varamuttamam || 1-53 || kāraṇatvamanujñāya tatrauvā * * * * * | * * * * * brahmādyaiḥ pratiṣṭhāpya surāsurāḥ || 1-54 || talliṅgānukṛtiṃ liṅgamīḍire munayastadā | paraṃ gūḍhaśarīrañca liṅgakṣetra * * * * || 1-55 || * * * * * rantejaḥ talliṅgaṃ pañcasajñakam | kalpānte tasya liṅgasya līyante sarvadevatāḥ || 1-56 || dakṣiṇe līyate brahmā vāmataśca * * * * | * * * * va gāyatrī sarvavedottamottamā || 1-57 || līyate mūrdhni vai vedāḥ saṣasaṅgapadakramāḥ | p. 7) jaṭhare līyate sarvaṃ jagat * * * * * * || 1-58 || * * * * dyate tasmāt brahmādyaṃ sa carācaram | sthāpitaṃ tena sarvaṃ syāt pūjitañca na saṃśayaḥ || 1-59 || pūrvaṃ liṅgaṃ sama * * * * * * * cakra tuḥ | brahmā brahmākṣarairdivyaiḥ liṅgaṃ pūjayate sadā || 1-60 || gandhapuṣpādibhirnityaṃ viṣṇuḥ pūjaya * * * | * * * * * te nityaṃ liṅgaṃ śailamayaṃ śubham || 1-61 || tasya saṃpūjanāttena prāptaṃ brahmatvamuttamam | śakropi devarājendro * * * * * * * * || 1-62 || * ttayā pūjayate nityaṃ tena śakratvamāptavān | liṅgaṃ haimamayaṃ kāntaṃ dhanadorccayate sadā || 1-63 || tenāsau dhana * * * * * * * * * ptavān | viśvedevā mahātmāno raupyaṃ liṅgaṃ manoharam || 1-64 || yajante vidhivadbhaktyā tena viśvatva * * * | * * pūjayate bhaktyā liṅgaṃ pittalasaṃbhavam || 1-65 || vāyutvantena saṃprāptaṃ anaupamyaguṇāvaham | indranīlamayaṃ liṅgaṃ viṣṇuḥ pūjayate sadā || 1-66 || viṣṇutvaṃ prāptavāṃstena sotbhutaikaṃ sanātanam | p. 8) vasavaḥ kāṃsikaṃ liṅgaṃ pūjayanti vidhānataḥ || 1-67 || prāptāstena mahātmāno vasutvaṃ ca mahodayam | aśvinau pārthivaṃ liṅgaṃ pūjayantau vidhānataḥ || 1-68 || tena tāvaśvinau devau divyaṃ dehaṃ gatāvubhau | sphāṭikaṃ nirmalaṃ liṅgaṃ varuṇorcayate sadā || 1-69 || tena tadvaruṇatvaṃ hi prāptamṛdhyā samanvitam | liṅgamannamayaṃ puṇyaṃ agnirabhyarcya bhāvitaḥ || 1-70 || muktāphalamayaṃ liṅgaṃ somaḥ pūjayate sadā | tena somo'pi saṃprāptaḥ somatvaṃ satatojvalam || 1-71 || pravālakamayaṃ liṅgaṃ yajante pannagottamāḥ | tena nāgeṣu bhogāḍhyāḥ prāptāste paramaṃ padam || 1-72 || kṛṣṇāya samayaṃ liṅgaṃ pūjayantyasurottamāḥ | rākṣasāśca mahātmānaḥ tena temita vikramāḥ || 1-73 || trapusīsamayaṃ liṅgaṃ piśācāḥ pūjayanti te | mahardhabaladhāmānaḥ prāpnuvanti paraṃ padam || 1-74 || (kṛṣṇāyasamayaṃ liṅgaṃ) trailohikamayaṃ liṅgaṃ yajante gṛhyakottamāḥ | tena yogabalopetāḥ prayāntīśvaramandiram || 1-75 || (pade padāntaraṃ gatvā hastau calanavarjitau | vācāstotraṃ manodhyānañcaturaṃgaṃ pradakṣiṇam || p. 9) urasā śirasā bhaktyā manasā ca dhiyā dṛśā | padbhyāṃ bhujābhyāṃ vācā ca praṇāmoṣṭāṅgamucyate ||) bahulohamayaṃ liṅgaṃ yajante mātarassadā | mātṛtvaṃ prāpyatāssarvāḥ prayānti paramaṃ padam || 1-76 || evaṃ devāssagandharvāḥ sa yakṣoragarākṣasāḥ | pūjayanti sadākālaṃ īśānaṃ suranāyakam || 1-77 || sarvo liṅgamayo lokaḥ sarvaṃ liṅge pratiṣṭhitam | tasmāt saṃpūjayelliṅgaṃ yadīcchetsiddhimātmanaḥ || 1-78 || iti śivadharme dvitīyodhyāyaḥ || p. 10) śrīḥ atha tṛtīyodhyāyaḥ liṅge devo mahādevaḥ sākṣādeva vyavasthitaḥ | anugrahāya lokānāṃ tasmālliṅgaṃ samarccayet || 2-1 || yo na pūjayate mohāt liṅgaṃ tribhuvaneśvaram | na ca svargasya mokṣasya na ca rājyasya bhājanam || 2-2 || yastu pūjayate nityaṃ liṅgaṃ tribhuvaneśvaram | sa svargamokṣarājyānāṃ kṣipraṃ bhavati bhājanam || 2-3 || tasmādekamanā bhūtvā yāvajjīvaṃ pratijñayā | arcayeta mahādevamāpanno'pi sadā budhaḥ || 2-4 || varaṃ prāṇaparityāgaḥ chedanaṃ śiraso'pi vā | natvanabhyarcya bhuñjīyāt bhagavantantrilocanam || 2-5 || evannirvahate yastu yāvajjīvaṃ(yaṃ) pratijñayā | manuṣyacarmaṇā baddhaḥ sarudro nātra saṃśayaḥ || 2-6 || nāsti liṅgārcanātpuṇyam anyadapyadhikaṃ kvacit | iti vijñāya yatnena pūjanīyaḥ sadāśivaḥ || 2-7 || mayā liṅgaṃ dveṣṭisammohāt sarvadevanamaskṛtam | naro narakagāmī syāt tasya saṃbhāṣaṇādapi || 2-8 || p. 11) maheśvaramayaṃ sarvaṃ trailokyaṃ sacarācaram | te kṛtaghnā bhavantīha yena bhaktā maheśvare || 2-9 || sāgarāṇāṃ kṣayopyasti kṣīyate himavānapi | rudraloke kṣayo nāsti śaṃkare śaraṇaṃ gate || 2-10 || eṣṭavyā bahavaḥ putrāḥ śivatantrānusāriṇaḥ | samuddharanti te gotraṃ rajjuḥ kūpāt ghaṭaṃ yathā || 2-11 || liṅgadvayaṃ samākhyātaṃ carañcācarameva ca | caraṃ pratīti vikhyātaṃ acaraṃ pārthivātmakam || 2-12 || care sadā vasatyeva prātiyukto maheśvaraḥ | acare mantrasaṃskārāt vasatyeva sadāśivaḥ || 2-13 || sthāvaraṃ jaṅgamaṃ caiva dvividhaṃ liṅgamucyate | jaṅgamasyāvamānena sthāvaraṃ niṣphalaṃ bhavet || 2-14 || liṅgamitthaṃ pratiṣṭhāpya tasmin dhyāyet sadāśivam | dhyānam tasyedamaiśvaraṃ rūpaṃ khaṇḍacandrāvataṃsakam || 2-15 || tamālaśyāmalagalaṃ sphuratphālavilocanam | lasadvāmāṃga nārīkaṃ kṛtaśeṣaśubhāṅgadam || 2-16 || gaṅgātaraṅgasatsaṅga sadādhautajaṭādharam | surāṅgajarajaḥ puñja pūjitāvayavojvalam || 2-17 || vicitragātravidhṛtaṃ mahāvyālavibhūṣaṇam | p. 12) mahokṣasyandanagataṃ vidhṛtājagavāyudham || 2-18 || gajājinottarāsaṅgaṃ daśārdhavadanaṃ guham | * trāsitamahāmṛtyuṃ mahābalagaṇāvṛtam || 2-19 || śaraṇārthīkṛtatrāṇaṃ natanirvāṇakāraṇam | manorathapathāthītaṃ varadānaparāyaṇam || 2-20 || iti dhyātvā mahādevaṃ antaryāgaṃ samācaret | tatra dravyāṇimanasā kalpayitvā viśodhya ca || 2-21 || dhyātvā vināyakaṃ devaṃ pūjayitvā vidhānataḥ | dakṣiṇe cottare caiva nandīśaṃ suyaśāntathā || 2-22 || ārādhya manasā samyagāsanaṃ kalpayettataḥ | tasyopari śivaṃ dhyāyet sāmbaṃ sarvamanoharam || 2-23 || sarvalakṣaṇasaṃyuktaṃ sarvāvayavaśobhinam | sarvātiśayasaṃyuktaṃ sarvābharaṇabhūṣitam || 2-24 || raktāsyapāṇicaraṇaṃ kundamandasmitānanam | śuddhasphaṭikasaṃkāśaṃ phullapadmatrilocanam || 2-25 || caturbhujamudārāṅgaṃ cārucandrakalādharam | varadābhayahastaṃ ca mṛgaṭaṃkadharaṃ haram || 2-26 || sarvakalyāṇanilayaṃ cārunīlagalāntaram | sarvopamānarahitaṃ sānugaṃ saparicchadam || 2-27 || tatassañcintayettasya vāmabhāge maheśvarīm | p. 13) praphullotphalapatrābhavistīrṇāyatalocanām || 2-28 || pūrṇacandrābhavadanāṃ nīlakuntalamūrdhajām | nīlotpaladalaprakhyāṃ candrārdhakṛtaśekharām || 2-29 || ativṛttaghanottuṅgasnigdhapīnapayodharām | tanumadhyāṃ pṛthuśroṇīṃ pītasūkṣmatarāmbarām || 2-30 || sarvābharaṇasaṃpannāṃ lalāṭatilakojvalām | vicitrapuṣpasaṅkīrṇakeśapāśopaśobhitām || 2-31 || sarvatonuguṇākārāṃ kiñcillajjānatānanām | hemāravindaṃ vikasat dadhānāṃ dakṣiṇe kare || 2-32 || daṇḍavaccāpara(ntya)m hastanyasyāsīnāṃ sahāsane | evaṃ devaṃ ca devīṃ ca dhyāyetsanavare śubhe || 2-33 || sarvopacāravadbhaktyā bhāvapuṣpaissamarcayet | dhyātvā vāhyakrameṇaiva pūjānnirvartayeddhiyā || 2-34 || samidājyādibhiḥ paścāt nābhau homaṃ ca bhāvayet | bhrūmadhye ca śivaṃ dhyāyet śuddhadīpaśikhākṛtim || 2-35 || atha cintāmayaṃ sarvaṃ samāpyārādhanakramam | liṅge ca pūjayeddevaṃ sarvadevaśikhāmaṇim || 2-36 || kecidviśveśvaraṃ devaṃ keciddhālāsya saṃjñitam | kecicchrīsomanāthākhyaṃ kecitkedāramadbhutam || 2-37 || kecicchrīparvataṃ mukhyaṃ kecidgoparvatannarāḥ | keciddakṣiṇakailāsaṃ kecidvṛddhā calābhidham || 2-38 || p. 14) kecid rāmeśvaraṃ puṇyaṃ vedakāntāramadbhutam | (prāpyapūrvoktamārgeṇa) prāpya pūrvoktamārgeṇa pūjayitvā dvijottamāḥ || 2-39 || anāyāsena saṃsārāt vimuktā bhavabandhanāt | kimatra bahunoktena śrūyatāṃ munipuṅgavāḥ || 2-40 || pūjayadhvaṃ mahādevaṃ bhuktimuktiphalapradam | pūjite devadeveśe purāṇe sarva * * ṇe || 2-41 || pūjitāssarvadevāśca iti vedāntanirṇayaḥ || 2-40 || asya pūrvamukhaṃ saumyaṃ bālārkasadṛśaprabham | trilocanāravindāḍhyaṃ kṛtabālenduśekharam || 2-41 || dakṣiṇannīlajīmūtasamānaruciraprabham | bhrukuṭīkuṭilaṃ ghoraṃ raktavṛttekṣaṇatrayam || 2-42 || daṃṣṭrākarālandurdharṣaṃ sphuritādharapallavam | indurekhākṛtottaṃsamūrdhvajvalitamūrdhajam || 2-43 || uttaraṃ vikramaprakhyaṃ nīlālakavibhūṣitam | savilāsaṃ triṇayanañcāndrābharaṇabhāsvaram || 2-44 || paścimaṃ pūrṇacandrābhaṃ locanatritayojvalam | candrarekhādharaṃ somyaṃ mandasmitamanoharam || 2-45 || paścimaṃ sphāṭikaprakhyaṃ indurekhāsamujvalam | atīva somyamutphullalocanatritayojvalam || 2-46 || iti śivadharme tṛtīyodhyāyaḥ || p. 15) śrīḥ atha caturthodhyāyaḥ rudrākṣavṛkṣāstapanākṣijātāḥ te dvādaśāsyāḥ kapilāprabhedaiḥ | candrākṣijāḥ ṣoḍaśaśubhravarṇāḥ kṛṣṇa * * daśasyuḥ jvalanākṣijātāḥ || 3-1 || brāhmaṃ sitaṃ kāpilavarṇayuktaṃ kṣātraṃ tu vaiśyaṃ hyubhayātmakaṃ tat | kṛṣṇaṃ tu śūdraṃ kathayanti bījaṃ rudrākṣabījaprabhavantu jātyā || 3-2 || ekānanaṃ śaṅkara eva sākṣāt rudrākṣabījaṃ vinihanti hatyām | dvivaktrabījaṃ bahugovadhaghnaṃ deveśadaivatyamalabhyamakṣṇām || 3-3 || āgneyamuktaṃ vadanatrayantu yoṣidvadhaghnaṃ dadhatāṃ kṣaṇena | caturmukhaṃ yaccaturānanīyaṃ narasya hatyāṃ kṣaṇato nihanti || 3-4 || p. 16) kālāgni * * ṇa tu pañcavaktraṃ bhakṣyadussaṅgagapātakaghnam | skāndaṃ hi yat ṣaḍvadanaṃ kareṇa nareṇa dhārya dvijahantṛ madhye || 3-5 || saptānanaṃ bhogipatihyanantat steyādviśuddhiṃ vidadhāti sadyaḥ | vaināyakaṃ hyaṣṭamukhaṃ suvarṇaṃ kūṭaṃ gurustrīgamanādyaghaghnam || 3-6 || tavānanaṃ bhairava eva devo bhuktiṃ ca muktiṃ śivatulyakīrtim | karoti vāmena kareṇa dhāryaṃ hatyāyutānāṃ vinihantikoṭim || 3-7 || harissvayaṃ yaddaśavaktrabījaṃ piśāca bhūtagraharākṣasāśca | vetāla sarpapratiyodhisihma vyādikāṃstāṃśca nihanti śīghram || 3-8 || ekādaśāsyaṃ daśacaikaraudraṃ dhāryaṃ śikhāyāṃ vidhinānavadye | narāśvamedhāyutavājapeya- sahasragodānasahasratulyam || 3-9 || p. 17) yadvaktrāṇi daśadvayena kathitaṃ tadbhāskarīyaṃ smṛtaṃ kaṇṭhasthaṃ ravituṣṭi kṛddhayamakhaissamyaktapuṇyaissamam hastyaśva śva sṛgālamūṣikakhagaklībāndhanārīmṛgavyālaśśukabhekasarpamahiṣa- vyādhātadoṣāpaham || 3-10 || yadvaktrāṇi daśadvayañca na labhet tatkārtikeyaṃ smṛtaṃ sarvaṃ siddhyati bhogabhogyamakhilaṃ siddhyet tat pādukā | iṣṭārthāścarasārasādhanamatha bhrūṇāryamātā pitṛbhrātṛstrī vasato viśuddhyati dadhannāsmāt paraṃ vidyate || 3-11 || rudrākṣamekaṃ śikhayāpi dhāryaṃ ṣaṭtriṃśamālāvidadhītamūrdhni | dvātriṃśakaiḥ karṇayuge ca sādhyā śatārdhakḷptā hṛdayekṣamālā || 3-12 || kaṇṭhe dhṛtā yena sadākṣamālā japtvāpnuyādyajñasahasrapuṇyam | śvetaṃ raktamathāpi pītamasitaṃ viprādikānāṃ smṛtaṃ rudrākṣannalabhedyathā gatamidandhāryaṃ śikhāyāṃ kare || 3-13 || kaṇṭhe karṇayugopavītahṛdayeṣvābadhyaraupyādibhiḥ pañcārṇapraṇavātmakākhyamanubhiḥ kovānavadye bhavet | snāne vā japahomayorvratavidhau devārcanādānayoḥ dīkṣāśrāddhakayoḥ kṛtaubhasabhasito rudrākṣamālādharaḥ || kuryātkarma ca vai kañca sakalaṃ syādakṣayaṃ yatphalaṃ p. 18) no cedvyarthamidaṃ bhavatyayamaho pāpo navadye dhruvam | kecit sūtakaśāva * * * malotsarge ca saṅge striyaḥ śuddhāvakṣakamālikānna dadhate tyāyuḥ kṣayasyāditi || 3-15 || anye pāpaharaṃ sadā dhṛtamiti procyaṃ bhuje karṇayoḥ akṣaṃ mantrapurassaraṃ tu mahatī mālā na dhāryā śucau | pāpiṣṭhopi narokṣamekamapi vā dhatte sa śuddho bhavet kurvanvāpi na lipyate hyanucite tattanmukhākṣoditaiḥ || 3-16 || puśchaṃ yojya mukhaṃ mukhena sadṛśaṃ muktāpravālāntaraiḥ sauvarṇairmaṇibhirdadhanmakhaphalaṃ martyo navadyo bhavet | rudrākṣaṃ vapuṣā dadhanyadi mṛtaśvāno'pi mukto bhavet | khādannantyamuhūrtake śivapuraṃ gacchet sa no jāyate || 3-17 || kinnūktairbahubhissamantrakamidaṃ svāṅge sadādhārakaḥ saṃsārannapunaḥ prayāti manujo vakṣye navadye tava | badhvāsvarṇena rudrākṣaṃ rajate nātha vā mune | śikhāyāṃ dhārayennityaṃ karṇayorvā samāhitaḥ || 3-18 || yajñopavīte haste vā kaṇṭhadeśethavā naraḥ | śrīmatpañcākṣareṇaiva praṇavenaiva vāthavā || 3-19 || ātmamantreṇa medhāvī rudrākṣandhārayenmudā | rudrākṣadhāraṇaṃ sākṣāt śivajñānasya sādhanam || 3-20 || sarvāśramāṇāṃ varṇānāṃ rudrākṣāṇāñca dhāraṇam | p. 19) kartavyaṃ mantrataḥ proktaṃ dvijānānnānyavarṇinām || 3-21 || rudrākṣadhāraṇe lajjā yeṣāmasti mahāmune | teṣānnāsti vinirmokṣaḥ saṃsārājjanmakoṭibhiḥ || 3-22 || rudrākṣadhāriṇaṃ dṛṣṭvā parivādaṃ karoti yaḥ | utpattau tasya sāṃkaryamastyeveti viniścayaḥ || 3-23 || amantrakaṃ vā mantreṇa sahitaṃ bhāvavarjitam | yo vā kovā naro nityaṃ dhārayellajjayā vinā || 3-24 || sarvapāpavinirmuktaḥ samyak jñānamavāpnuyāt | aho rudrākṣamāhātmyaṃ mayā vaktuṃ na śakyate || 3-25 || tasmāttvaṃ sarvayatnena kuru rudrākṣadhāraṇam | tasmātsarvaissadā kāryaṃ rudrākṣāṇāñca dhāraṇam || 3-26 || bhogamokṣapradaṃ puṃsāṃ mayā caitaddhṛtaṃ sadā | rudrākṣadhāraṇācchreṣṭhaṃ na kiñcidiha vidyate || 3-27 || iti śrīśivadharme caturtho dhyāyaḥ || p. 20) śrīḥ atha pañcamodhyāyaḥ īśvaraḥ | tripurahara śivādidevaśaṃbho triṇayana śaṅkara rudraśūlapāṇe | bhavaśaraṇamitīrayanti ye'smin bhavajaladhau na patanti te manuṣyāḥ || 4-1 || śaive | oṃ namo nīlakaṇṭhāya iti puṇyākṣarāṣṭakam mantramāhasakṛdvā yamapātakaistu pramucyate || 4-2 || navāṃbunidhisanta * * na pātrandṛdīkṛtam | svargārohaṇaniśreṇī mahādeveti kīrtanam || 4-3 || vimocanaṃ hi bandhānāmandhānānnadhanauṣadham | dīnānāmāśrayasthānaṃ mahādeveti kīrtanam || 4-4 || mahādeveti vāgvallī caturakṣarapallavā | bhaktisiktāphalatyekā caturvargaphalānyaho || 4-5 || mahādeva mahādeva mahādevetyayaṃ dhvaniḥ | sudhiyo muktikāntāyāḥ pāṇigrahaṇaḍiṇḍimaḥ || 4-6 || koṭayo brahmahatyānāmagamyāgamakoṭayaḥ | sadyaḥ pralayamāyānti mahādevetikārtanāt || 4-7 || p. 21) śiveti maṅgalannāma yasya vāci pravartate | bhasmībhavanti tasyāśu mahāpātakakoṭayaḥ || 4-8 || prāṇaprayāṇapātheyaṃ saṃsāravyādhibheṣajam | anantaduḥkhaśamanaṃ śiva ityakṣaradvayam || 4-9 || śiva ityeṣa śabdo'sti vāgasti vaśavartinī | tathāpi narake martyaḥ patantītyatisāhasam || 4-10 || śive trivācaṃ yo nityaṃ caṇḍālo'pi vadenmudā | sahateva vadedvācaṃ saha tena vaset sadā || 4-11 || prasaṃṅgāt kautukāllobhāt bhayādajñānato'pi vā | hara ityuccaranmartyaḥ sarvapāpaiḥ pramucyate || 4-2 || āhara praharasaṃhareti ca vyāharan sakṛdaghaiḥ pramucyate | mocayet prakṛtikāmakarmato nāmakīrtanamumāpatessadā || 4-13 || ādau namaḥ prayoktavyaṃ śivāyetyakṣaratrayam | jihvāyāṃ vartate yasya saphalantasya jīvitam || 4-14 || kintasya bahubhirmantraiḥ śastrairvā bahuvistaraiḥ | yasyonnamaśśivāyeti mantroyaṃ hṛdi vartate || 4-15 || tenādhītaṃ śrutaṃ sarvaṃ tena sarvamanuṣṭhitam | yasyonnamaśśivāyeti mantrābhyāsasthirīkṛtaḥ || 4-16 || yaḥ prātaḥ devadeveśaṃ śivaliṅgasvarūpiṇam | paśyet sayāti sarvasmādadhikāṃ gatimuttamām || 4-17 || p. 22) madhyāhne ca mahādevaṃ dṛṣṭvā yajñaphalaṃ labhet | sāyāhne sarvayajñānāṃ phalamāpya vimucyate || 4-18 || na pradoṣe hariṃ paśyet trayodaśyāṃ viśeṣataḥ | yadi pramādāt paśyedvā dvādaśābdavṛṣakṣayaḥ || 4-19 || trayodaśyāntathā rātrau sopahāraṃ trilocanam | dṛṣṭvāśvamedhamāpnoti mucyate sarvapātakaiḥ || 4-20 || gaṅgāpuṣkarakedāranaimiśādīnyanekaśaḥ | tīrthasnānena yatpuṇyaṃ śivandṛṣṭvaiva tallabhet || 4-21 || apavitraḥ pavitro vā sarvāvasthāṃ gato'pi vā | yassmaret sadā rudraṃ śuddha eva na saṃśayaḥ || 4-22 || ye vāñchanti mahābhogān rājyañca tridaśālayam | arcayantu sadā bhaktyā harasya caraṇāṃbujam || 4-23 || brahmaṇassṛṣṭikartṛtvaṃ viṣṇordānavamardanam | svargādhipatyamindrasya śivapūjāvidheḥ phalam || 4-24 || saubhāgyaṃ kāntimadrūpaṃ satyantyāgaḥ pravaktṛtā | śoryañca jagati khyātiḥ śivapūjāvidheḥ phalam || 4-25 || yaddvāre mattamātaṅgāḥ vāyuvegāsturaṃgamāḥ | pūrṇenduvadanānāryaḥ śiva * * * * phalam || 4-26 || bhavanāni manojñāni vidyā jñānaṃ śive ratiḥ | dhanañcādṛṣṭaparyantaṃ śiva * * * * phalam || 4-27 || p. 23) āyurārogyamaiśvaryaṃ satputrāḥ sukhasaṃpadaḥ | svargāpavargau dharmaśca śiva * * * * phalam || 4-28 || liṅgārcanarato nityaṃ mahāpātakasaṃbhavaiḥ | doṣaiḥ kṛtairnalipyeta padmapatramivāṃbhasā || 4-29 || merumandaratulyāni pāpāni subahūnyapi | īśvaraṃ vaidyamāsādya naśyante duṣṭarogavat || 4-30 || kāyāssanti hi sāpāyāḥ saṃpadaḥ padamāpadām | samāgamāssāpagamāḥ sarvamutpātabhaṅguram || 4-31 || punarjanma punarmṛtyuḥ punaḥ kleśaparaṃparā | agharaṭṭaghaṭanyāyo na kadācidanīdṛśam || 4-32 || merupṛṣṭhe prayāge ca gaṅgāsāgaranaimiśe | himavante tapastaptaṃ tatphalaṃ liṅgapūjane || 4-33 || kimatra grandhamālābhiḥ saṃkṣepādupadiśyate | vimuktasarvavyāpārāḥ janāḥ pūjayateśvaram || 4-34 || kiṃ vidyairakhilaiśśāstraiḥ dāna yajñavratādibhiḥ | śivassaṃpūjyatānnityamupadeśoyamuttamam || 4-35 || ayameva paro dharmaḥ pūjyate ca sadāśivaḥ | etāvaddhi śivajñānaṃ etāvaddhiparaṃ padam || 4-36 || īśvaraḥ | bhasmaviddhi paraṃbrahmasatyaṃ bodhasukhādvayam | bhatsanātsarvapāpānāṃ pāśānāñca mahāmune || 4-37 || p. 24) bhayebhyo rakṣaṇādrakṣā bhāsanādbhasitaṃ tathā | kṣārayatyakhilaṃ doṣaṃ tataḥ kṣāramudāhṛtam || 4-38 || gauṇannānāvidhaṃ viddhi brahman brahmavidāṃvara | agnihotrāgnijantadvat virajāhomajaṃ mune || 4-39 || aupāsanasamutpannaṃ grahasthānāṃ vidhīyate | samidagnisamutpannaṃ dhāryaṃ vai brahmacāriṇām || 4-40 || śūdrāṇāṃ śrotriyāgāre pacanāgnisamudbhavam | anyeṣāmapi sarveṣāṃ dhāryandāvānalodbhavam || 4-41 || pañcākṣareṇa mantreṇa praṇavena yutena ca | lalāṭe hṛdaye caiva do * ye ca mahāmune || 4-42 || tripuṇḍraṃ dhārayennityaṃ grahasthaśca vanāśramī | anyeṣāmapi sarveṣāṃ vināmantreṇa suvrata || 4-43 || uddhūlanaṃ tripuṇḍraṃ ca kartavyam bhaktito mune | iti śivadharme pañcamodhyāyaḥ || ########### END OF FILE #######